尋日係港交所（00388）上市11周年嘅好日子，佢哋喺前日畀大摩「贈興」唱淡，好彩股價冇被唱衰，尋日重上161蚊水平，總算爭番啖氣。絲絲喺11周年酒會撞到港交所獨立非執董李君豪（Vincent），立即問吓佢點睇港交所股價。
Vincent出名投資有眼光，○五至○八年見佢頻密申報買賣港交所股份，喺○八年就悉數沽清，期間有好多都喺二百幾蚊沽出，絲絲同佢計一計，佢肯定賺唔少，但自此佢就冇再掂港交所股票嘞。
近日港交所畀人掟貨，大摩仲下調目標價至120元，Vincent唔肯講依家係咪抵買，咁佢會唔會入番啲？佢話由於係獨立非執董身份，唔可以隨便評論，買賣都要申報o架，但佢就強調港交所肯定係好公司、好股票，佢果然係一個稱職嘅好董事。
佘絲韻