反問點解要捐獻？
Charles雖然祖籍東北，講廣東話唔係太流利，不過佢早喺九四年加入美林證券主理大國企上市，○三年出任摩根大通中國區主席，○九年加入港交所做行政總裁，佢話自己一早已經攞咗香港永久居民身份證喇，既然係「有證居民」，當然夠晒資格攞6,000蚊啦。
近期有好多社會名人話唔多志在呢6,000蚊，有啲話會捐畀慈善機構，但絲絲就好鍾意Charles嘅東北人爽直性格，佢反問絲絲點解要刻意捐咗佢，佢話政府有政策，作為市民有權利攞，攞到之後會自己用，但佢依家仲未諗到點使。
絲絲覺得言之有理，就算係自己使咗佢，都係推動本土經濟啫，利己利人嘛。
佘絲韻