一心以為恒指跌至23,000點左右，港股會見底回升。誰知這頭入貨，那頭就要坐艇，港股愈跌愈深，恒指失守22,000點。入市時信心十足，坐艇時方寸大亂。我現在唯一肯定的是，不只我一個活在這種痛苦中。
看着持有的股票蝕錢，的確需要想些應變方案。坦白說，我揸車認路不算叻，但只記着一個原則，就是要盡快修正。入錯路口，走錯方向不緊要，找個安全位置掉頭重新上路。唔識路我唔擔心，只要記住哪些地方可以讓我掉頭修正。
在水中央，以下是幾個常見做法。止蝕：止蝕方法眾多，有些按跌幅決定，有些睇技術分析，有些視乎某些事件有沒有發生。無論如何，最怕就是止蝕後股價即彈。為怕止蝕止到揼心口。我通常以可以承受的損失做止蝕。就算這頭止蝕那頭反彈，也只能怪自己輸唔起。目前未算輸入肉，可不作止蝕。
換碼：換碼在賺錢時做較有說服力。有利潤在手，不妨先將部分利潤落袋再買另一隻尚有上升空間的股票。可是坐艇時信心已經動搖，豈敢再接另一把跌下來的刀。
溝貨：溝貨是最神奇的炒股招式，明明輸緊，只要再多買一些，便可以溝淡平均價，更易返家鄉。通常建議者還有一個溫馨提示，當覺得唔再跌時便可行動。如果我睇市咁準，早已經唔會坐艇喇。
我暫時的想法是以不變應萬變。我一直認為內地收緊銀根，不會置股市死地。我更認為美國QE3勢在必行，只是時間問題。股市不死，我的蟹貨依然返家鄉有望。
大健