蝕錢散戶高達八成

虧蝕散戶
工業股輸一半

林先生：「嘩，簡直輸到出血，流血不止呀﹗我手持嘅內地二、三線工業股，蝕咗一半，依家真係唔識睇，撈貨都唔敢﹗」

鄧先生：「好似滙控（00005）、和黃（00013）、建行（00939）呢啲大藍籌，都輸咗一成﹗我覺得港股跌到21,300點就差唔多，一定有支持。」

孫太：「我買交行（03328）、滙控（00005）蝕咗少少，細價股就好危險喇﹗依家專家都講唔到個後市，惟有忍手唔買住啦﹗」

窩輪玩到心灰

鄧小姐：「我蝕咗唔少呀﹗我玩咗窩輪十幾年，都未試過好似依家咁難玩，就算正股好似中石油（00857）同港交所（00388）都跌，真係玩到心灰意冷﹗」

梁先生：「我呢個月蝕咗三成左右，主要都係資源股。我覺得港股差唔多到位，所以上周五趁低入咗魏橋紡織（02698），諗住揸長線﹗」

馮先生：「我蝕咗兩成左右，多數都係銀行股，諗住等個價位再低啲嘅時候入番！」

風電股蝕四成

Patty：「梗係蝕啦！由於我冇止蝕，搞到依家蝕咗大約四成，主要都係風電股！我都唔知個市跌夠未，再睇定啲先諗對策。」

Ricky：「我輸咗15%左右，係金屬股嚟嘅。我都諗住撈番啲銀行股，特別想入騰訊（00700）！」

平手散戶

樊小姐：「今個月開頭蝕咗少少，最後都係平手！呢排啲大鱷炒到個市咁緊張，所以都係少咗買賣！」

賺少咗散戶

Jason：「我啲股票係喺金融海嘯嗰陣，以低價買入嘅，主要都係金融股同資源股，但呢個月帳面都賺少咗！」