絲絲講場：銀行墊賠除笨有精
喺馬多夫世紀騙案中，被受託人Irving Picard追討賠償嘅瑞銀及蘇皇，據講佢哋轉死性，願墊支向受害者提早賠償，而且賠償幅度最高達75%。
「贓物」豐厚賺差價
絲絲聽落就覺得好吸引，喺一年前，馬多夫嘅債權人只可以攞番20%至30%，因為當時真係唔知可以起番幾多「贓物」。依家就唔同喇，一眾外資行樣樣都計過度過，知道呢批「贓物」有成百億美元，先至肯真金白銀賠住畀債權人先，到時撈番三幾個巴仙油水賺差價，除笨有精！一句到尾，又係錢作怪。
絲絲不得不佩服大型銀行嘅投資眼光，一睇準賠償市場有利可圖就出擊，今年環球經濟有咁多不明朗因素，風險分分鐘比投資股市或商品市場仲低。
余絲韻