前i-Banker、現任中大全球政治經濟社會科學碩士課程客席講師黃元山（Stephen），求知欲好強，對唔同行業範疇嘅營運亦有好奇心。兩年幾前，Stephen出過本書叫做《槓桿漩渦》，平時到大學教書之餘，又會幫下報紙雜誌寫稿，寫作能力一啲都唔差！
近期絲絲同Stephen閒聊，先知佢仲進軍埋出版界，成為Enrich Professional Publishing嘅董事總經理，專門出版啲國際性嘅專業同埋學術英文書籍。雖然Stephen本身係個大忙人，不過佢就爆料畀絲絲知道，佢近期已經開始寫緊一本關於香港同內地食物價格嘅書籍，如果寫作進度順利嘅話，相信好快就可以出版。依家全球通脹問題咁嚴重，Stephen寫呢個題材就「中」晒喇，相信到時又會掀起廣大讀者嘅搶購喇！
余絲韻