話說絲絲甫到佛山，財險董事長吳焰就與大夥兒影大合照，之後立即展開記者會。吳焰喺記者會上致詞演說及回答咗3條提問後，就匆匆離開會場，留低總裁王銀成及一眾高層，繼續與傳媒交流意見。王總與傳媒食埋午餐之後，就已經急急腳趕往機場，據講係要即日飛返北京繼續處理業務，可謂珍惜一分一秒。
冠名「人民」冇偷懶
點解財險高層咁行色匆匆？或許與佢哋嘅使命感有關。王總好自豪咁話，內地機構嘅名字能夠冠有「人民」二字，印象中只有人民銀行，但人行係內地央行，而佢哋（財險全名為中國人民財產保險）作為商業機構，就顯得難能可貴，所以要盡力回報股東及客戶，做到佢哋嘅願景──「做人民滿意的保險公司」。
余絲韻