絲絲講場:嘉能可Sales年拎312萬

國際投行經紀高薪厚職一向受人羨慕,但近年商品資源有價,從事石油及貴金屬交易嘅經紀更加好搵,年薪可以係投行經紀嘅兩倍。就以下月喺英、港兩地上市嘅商品交易商嘉能可為例,佢哋旗下超過2,500位交易員及後勤人員嘅平均年薪加花紅有成40萬美元(約312萬港元)。

合夥人獲發紅股

睇番嘉能可嘅招股書,佢哋一班Sales嘅人工不但係巴克萊嘅兩倍,而且公司喺上市後,為免前線人員流失,仲可能再加薪。做普通嘅前線銷售待遇已經咁好,公司485位合夥人當然更和味,除咗人工及花紅外,合夥人仲可以攞到紅股,雖然合夥人以往都可以攞到紅股,但話明退休先可以贖回,而呢個規定喺公司上市後可能有變,所以有人話,做嘉能可股東唔夠佢哋嘅僱員咁幸福。

余絲韻

跨媒體地產網新居入伙 幾萬個精選樓盤 歡迎睇樓!

Money18免費即秒股票報價網站現推出8升級功能,財經資訊,實時實發!