為咗推動內地教育長遠發展，新鴻基地產（00016）郭氏基金連續第2年與香港大學合作，頒發「新鴻基地產郭氏基金香港大學法律獎學金」，資助內地學生喺香港接受法律碩士培訓，學習普通法、公司法與金融法等範疇。
14位內地生獲頒發
獲獎嘅內地生尋日喺新地郭氏基金執行董事郭婉儀手上接過獎學金證書，除咗郭氏基金及港大嘅高層在場見證之外，大會仲請嚟中聯辦法律部副部長劉春華觀禮。呢14位獲頒獎學金嘅內地生水準非常高，大部分來自內地最有名氣嘅政法及外交大學，當中3位同學分別喺內地、美國及英國繼續深造，有4位獲香港律師行聘請，一位喺深圳大型企業從事法律顧問工作，希望佢哋日後可貢獻國家、貢獻香港啦！
余絲韻