康宏理財（01019）主席王利民一向鍾意挑戰自己，經常參與考耐力及體力嘅比賽，佢近日就完成咗撒哈拉沙漠馬拉松7天賽事，真係唔簡單。
呢個賽事被認定係世界上最艱苦嘅馬拉松賽事之一，參加者要喺7日全程攜帶個人裝備，徒步穿越250公里嘅沙漠地帶。
絲絲覺得喺平地跑馬拉松已經好辛苦，要喺沙漠上行走就更加舉步維艱，所以參賽者真係要好吃得苦。
不過王利民就話人生係需要修煉，親身經歷先可以令人生有啟發及成長，過精彩嘅生活，難怪佢不斷參加毅行者以及各項馬拉松賽事啦。
（余絲韻）