作為中國嘅主權基金，中投嘅一舉一動都好受注目，最近多次傳出佢哋會投資房地產，仲要喺歐美地區，最新消息係佢哋想買英國第三高嘅物業。
受中投青睞嘅物業係花旗銀行喺英國嘅總部大樓，樓高42層，位於倫敦金絲雀碼頭金融區，係英國第三高嘅建築物。絲絲聽講，呢幢大樓依家嘅業主係前愛爾蘭稅務官孟德，由於愛爾蘭發生銀行危機，佢「手緊」先至急於出售物業套現還債。有消息話，中投喺上周末已經與顧問會面，仲話中投對買這幢大樓志在必得，作價高達10億英鎊。
早幾日，中投董事長樓繼偉出席論壇時都話，唔睇好歐洲經濟復甦，但歐洲仍有投資機會，仲話喺英國都會有一啲直接投資，似乎都有啲暗示咁喎！
余絲韻