作為內地第二大核電集團，中廣核目前已經運營的核電項目有3個，在建核電機組16台，而中廣核鈾業就從事鈾資源開發，向大亞灣等核電廠供應核燃料，而今次入股維奧，自然令市場產生「借殼」嘅憧憬。
其實呢單「刁」都可算係揀唔啱時辰，偏偏撞正日本福島核電廠「冧檔」，溫總下令重新檢討核電政策，不過復牌後維奧股價仍然大幅上升，多多少少反映市場對內地核電發展步伐不會有太大改變的睇法，始終內地要搞低碳經濟，核電係不可或缺，相信檢過後，相關計劃仍會繼續不變。
維奧復牌後最高升至1.11元，之後回落，尋日低見0.77元後抽上0.82元報收，升5%，估計調整已完成，短線博佢上番1元樓上，跌穿尋日低位止蝕。
詩詩