絲絲講場：滙豐以條碼宣傳ETF
交易所買賣基金（ETF）唔經唔覺喺香港都發展咗超過10年，作為龍頭大行之一嘅滙豐，終於有自己喺香港嘅首個ETF系列，滙豐環球資本市場常務總監兼財富管理銷售亞太區主管蘇其暉（阿Ken）尋日就連同幾位管理層，為呢4隻喺本星期推出嘅ETF造勢。
阿Ken去到發布會會場，人未企定就已經急不及待展示手上嘅標誌，原來佢哋用咗條碼（Barcode）作為宣傳嘅設計。
雖然條碼與ETF好似風馬牛不相及，但阿Ken就話條碼已經融入咗日常生活入面，為大家嘅生活帶嚟方便，隨着ETF產品逐漸流行，希望同樣可為投資者帶來方便。
追蹤兩岸三地指數
講番呢4隻ETF，分別追蹤MSCI嘅中、港、台指數，預計總開支比率（TER）為0.5%，阿Ken話呢個比率頗具競爭力。至於會唔會順勢推出人民幣計價嘅ETF？佢就認為短期內應該難以推出，因為內地可投資嘅資產始終唔多。
余絲韻