賺錢娶老婆削消費
魏尚進話大陸官方成日出盡法寶阻止人仔勁升，但呢啲所謂嘅「法寶」都唔及大陸嘅「王老五大軍」影響咁大。英國醫學期刊《British Medical Journal》嘅研究話，大陸嘅男女性別已嚴重失衡，而且仲排名全球第一，估計○五年二十歲以下嘅男人較女人多出三千二百萬人，而人仔匯價與大陸購買力之間嘅嚴重背馳趨勢，有九成係由於性別失衡等結構因素，呢種失衡喺過去十年間仲擴大咗兩倍。
佢仲話，如果唔係大陸嘅男人搏命賺錢為娶老婆，削弱咗消費，大陸嘅物價升幅可能高達四成，而唔係二月時公布嘅百分之四點九。絲絲諗起香港家陣女多男少，與祖國剛啱相反，姊妹們不妨考慮吓拓展祖國市場。
余絲韻