期指觀瀾：50日線支持力成關鍵

港股周三偷步炒內地二月通脹數據回落，到尋日中港兩地股市反而「行路打倒褪」，大孖沙積極減磅鎖定利潤，恒指全日浸浸落，跌195點報23,614點，論跌幅港股已算溫和。西班牙主權債券又被調低評級的消息，期指收市前曾跌穿23,520點午後低位，相信多少預視今日亞洲股市會繼續受消息影響，有調整壓力。

昨日期指開23,797點，乃全日高位，期指早市在23,630點附近雖見支持，惟在基金現貨市場買貨興趣缺乏下，期指即市一浪低於一浪，直到收市前去到23,513點才停步，比較奇怪是最後期指轉炒高水，由23,513點挾到23,640點收市，未知是否連淡友都唔想坐貨過市？

今日焦點係市場對歐債危機的反應，以及內地通脹數據，假如在4.4%或樓下，相信對中港股市都有一定鼓舞作用。昨日一跌，還未能說反彈告一段落，好友可視50日線的支持定去留，現貨及期指分別是23,502及23,446點，手上好倉會繼續以23,440點作止賺位，一旦失守後市有機會先回試23,135點附近尋找支持。

John Mullen

跨媒體地產網新居入伙 幾萬個精選樓盤 歡迎睇樓！

Money18新功能「18好路數」為你預測心水股票升跌機會率

Money18更多即時港股指數資訊