時富證券董事關百良：聽到有熟客講笑咁話：「如果再加時，食午飯就好趕，你哋可能要派埋叉燒飯喇！」
眾利股票公司主席董偉：中環下午食飯不嬲都人多，睇吓港股加時頭一、兩日會點喇，依家都有搵伙食公司傾，計落每個月包埋伙食都係幾千蚊啫，到時畀啲員工自己揀出去食，抑或留喺公司食都得。
散戶譚先生：我哋呢啲退休人士，落證券行都係打發吓時間，慣咗飲早茶先落行，所以交易時段提早咗，都未必會提早落去！
散戶周小姐：點都係舊時（兩小時午膳）好！你知食飯時間中環幾多人o架啦，等都有排等！得個半鐘食飯真係食唔切囉！