證券行提早一周「演習」
今天是港股「加時」的大日子，本報走訪本港兩大證券行，原來為了港股交易時段首次加時，一周前已經做好演習，包括員工提前上班及提早分行開門時間。
提前返工 預咗叫外賣
海通國際高級分行經理曾劍波（Paul）表示，為了適應新措施，分行早於一周前已要求同事「返早啲」。他笑言，現時每日較以往早起，既然港交所「已下令」，不習慣都得習慣。
至於午膳時間由過往兩小時縮減至個半小時，Paul相信以後叫外賣的機會將大增。「以前有兩個鐘食飯，同事可以分兩更出去食，每更食一個鐘。但依家得個半鐘，就唔可以人人都出去食飯啦！要分A組B組，每日輪住一組出去食，一組喺公司食咁啦！」
Paul表示，現時按輪組制，同事仍有機會趁午膳時間出外喘喘氣，但一旦食飯時間愈縮愈短，則可能要齊齊「焗」在公司，餐餐吃外賣了！
雖然在時間安排上已準備就緒，但其他方面暫未見更改。Paul解釋，交易時間長短並不會影響散戶的人流，故現時未有加設電腦裝備及增聘人手。
致富資產管理部聯席董事莊志豪亦說，一周前已經為這個大日子做好準備，讓同事習慣新的工作模式，讓今日能夠事事順心，不出亂子。
生意難增 未擬擴軍
他認為，為了和內地市場接軌，除了延長交易時間，也別無他法。但他解釋，交易時間延長，生意未必旺。他坦言：「依家係摸着石頭過河，會因應實際情況作出配合。如果突然多咗客人，我哋當然會請多啲人啦！」他說，公司明白同事工作時間會延長，所以會提供相應福利，以作補償。