尋日大市出現恐慌性拋售場面，唔少近期的強勢股被沽到爆廠，光匯（00933）同經緯紡機（00350）都以極大成交急挫，完全係要錢唔要貨嘅格局。
首都創投（02324）係尋日難得仍有得升嘅股份之一，收市升4%，報0.385元。集團主要從事上市及非上市公司投資業務，日前剛公布了截至去年底止中期純利增長16%，達4,052萬元，每股盈利12.52仙。另外，集團正進行2供1供股，供股價0.3元，集資淨額約5,630萬，擬用作未來可能投資及營運，供股權（02990）將於今日上板。
據集團公布，截至上月底其每股資產淨值為0.96元，按2供1後NAV變成0.64元計，即現價折讓達四成，而供股價則折讓53%。早輪永義實業（00616）隻「威士」上板都炒到出煙，故首都創投「威士」上板要密切留意，以較NAV折讓收窄至三成計，正股目標可睇0.45元，止蝕0.35元。
詩詩