期指觀瀾：逢高做淡贏面較大
前日筆者還瞎猜，周二港股極有可能呈現高開低收格局，昨日市況出奇地同預測十分接近，期指開23,610，收23,391，低水幅度在收市前一刻，好友主動平倉盤推動下，由前日的41點，擴大到尋日收市的94點。
似乎大市已經為今日A股紅盤低走做好準備，昨日比較意外，還是下午三點過後挾到23,625，破埋早市高位23,615才回頭，以為短期轉勢的炒家，又一次中伏。
一連兩日跌市，恒指已經將虎年最後半日市升幅，全部跌返出街，後市要扭轉劣勢，先要重返23,654阻力樓上，中線24,040阻力更是相當關鍵，升穿並企穩之前，即市逢高試沽贏面無疑較大，而一切揸倉都不適宜太勇，只宜小注一試。
大市今日焦點勢必落在A股身上，A50（02823）昨日雖然反彈，但睇番較富時A50指數的溢價，由上月初高位15.5%，縮到昨日得番9.3%，是接近五星期最低，似乎大孖沙對A股春節假期後展望只係抱審慎態度，港股偷步跌兩日，今日或有即市反彈，但只要見23,550樓上，筆者會嘗試建立淡倉，並以23,654作即市止蝕。
John Mullen