絲絲講場：金貿場開市破傳統
金銀業貿易場畀人嘅感覺係好傳統嘅機構，尋日係辛卯年初五，金、股市正式開鑼，金銀業貿易場都跟足傳統，為新一年開市做咗啲儀式，但又有樣嘢突破咗傳統，就係特別加插咗個頒獎禮嘅環節。
為慶祝金銀業貿易場成立一世紀，貿易場舊年舉辦嘅「世紀元旦大獎賞」明益本港市民，只要答啱十條有關黃金業等簡單問題，就有機會被抽中兼贏取禮品，結果總共有10位幸運兒瓜分到5部iPhone同5部iPad。
張德熙主持開市儀式
講返尋日嘅開市儀式，絲絲去到個場，見到人山人海，今年係金銀業貿易場新一任理事長張德熙，首次以理事長身份主持呢個傳統儀式，佢同埋兩位副理事長按照傳統，以競價方式成交「新正頭」第一口金，仲搵埋財經事務及庫務局局長陳家強做見證嘉賓，順便省靚「公開喊價」現貨黃金交易所嘅金漆招牌。
余絲韻