香港大學電子金融服務榮譽助理教授徐燦傑（Jeslie）出咗21本講財經以及市場學嘅書後，新一年有所突破，就係籌備緊推出愛情小說，預計可以喺今年書展登場。
其實多才多藝嘅佢之前都作過情歌《童話》，首歌仲係由張學友唱嘅添，Jeslie今次寫愛情故事，再一次顯露佢嘅鐵漢柔情。
佢話新書暫定名為《再愛上妳》，講述一男一女喺街角重遇、勾起往事嘅淒美故事，藉以帶出廿一世紀港男港女相處所欠缺嘅溝通與了解，寄語大家要盡情愛一次，才可令人生無悔。
Jeslie今年要為自己做好多新嘗試，依家佢喺一個女性網站做代言推廣，話要擴闊人際網絡喎。講咗咁多，咁Jeslie嘅愛情經歷又點呢？佢只肯透露自己正期盼守護佢嘅觀世音出現喎。
余絲韻