證券行嘅生意好似愈嚟愈旺，自然要搶舖開新行，不過近年香港嘅舖租愈嚟愈貴，開舖更加要講實力。信誠證券董事總經理劉升昂話，佢哋喺農曆新年後，就會喺紅磡馬頭圍道開設第5家證券行喇，細問之下，原來信誠嘅總行及分行全部都係自置物業，劉老闆唔使捱貴租之餘，分分鐘仲有錢賺，果然係做生意嘅人才。
劉老闆識賺錢，亦好識飲識食，近日佢就帶咗絲絲去一間好出名嘅意大利餐廳食午飯。近排金融熱話離唔開人民幣，劉老闆笑言：「我唔可以太高調講人民幣o架！費事畀銀監捉我去問話喇，哈哈！不過，人民幣升值前景無限，長遠對內地銀行股都係好事，我自己就比較鍾意招商銀行（03968）。話唔定遲啲你哋出糧，都係出人民幣o架！」
（余絲韻）