期指觀瀾：欠缺焦點易跌難升
道指前晚做好，升過百點收市，可惜港股老早轉去跟睇A股頭，眼見滬綜指又再跌到三個半月新低，港股最後倒跌12點，收報23,788點。
昨早市好友以23,905為據點，逐步攻上24,025，可惜始終無法突破周一早上的24,038高位，結果滬綜指下午愈跌愈多，一度去到2,661點低位，淡友一個唔該，輕鬆掉頭向下炒。事實上，近期人行加息的預期陰魂不散，港股本身欠缺焦點，形成短期易跌難升的局面。
滬綜指9日RSI在35.28，有底背馳的迹象，似乎只有等人行落實加息，「死貓彈」才有機會發生。朋友話筆者上面以24,375，下面以23,650點作為阻力及支持，去判斷是否轉勢，與現指數「太貼近」，一旦即市反彈四五百點，就掉頭做好有點鹵莽。不能否認，指數在23,650至24,375之間，局勢相當微妙，升穿或跌破隨時扭轉整個中期走勢，否則，周初筆者亦唔會僅以小注在24,030開淡倉。在這區域內，後市是升是跌，個人認為機會同樣存在，跟了沽的看官如果在23,700附近食胡平倉，睇清楚再等機會，都係合情合理。
John Mullen