每逢年尾，台灣有好多公司會搞尾禡宴慰勞員工，除咗食飯、睇表演，仲一定有抽獎。有機構做咗個調查，睇吓啲打工仔最想抽到嘅大獎係乜，結果最多人揀鴻海嘅股票，唔通佢哋都想跳槽到鴻海？
大家想去鴻海打工一啲都唔奇，鴻海老細郭台銘雖然治軍嚴格，但今年佢哋嘅年終獎金有六個月糧，每年尾禡都大手筆派股票。喺上班族「最想進入嘅公司」排行榜中，鴻海必位列三甲，郭台銘更係打工仔「最想共事老闆」嘅首名。
鴻海今年尾禡唔只係吃喝玩樂，仲與花博合作做公益活動。日子揀咗喺本月三十日，聽講郭台銘會拎總值五點七億新台幣（約一點五億港元）嘅股票派畀員工。除咗鴻海股票，籠統啲嚟講，台灣上班族最想抽到嘅獎品係現金、股票及禮券，全部都好實際喎。
余絲韻