Barry有三位千金，最細嗰個只有9歲，Barry應承咗喺農曆新年帶佢哋去香港迪士尼樂園玩。大家都知內地春節放長假，唔少內地同胞會來港旅遊，Barry就好驚到時人山人海，逼餐懵影響遊園興致，佢希望年初一時大家忙住拜年，令佢哋一家人可以輕鬆遊玩一番。
講番保誠嘅業績表現，去年首三季亞洲區嘅新業務溢利按年多咗34%，但Barry嘅區域總部員工仍維持喺300人以下，以一家國際公司嚟講係非常精簡。Barry好自豪咁話保誠雖然愈做愈大，但仍維持到細公司嘅親切感，佢更會每日抽一粒鐘喺公司周圍走，了解吓下屬嘅想法，打好啲關係喎。
余絲韻