期指觀瀾：藍籌發圍升浪可持續

港股終於顯露真本性，昨日一升就365點，收報24,125點，睇番昨日客觀環境，人民幣中間價連升兩日，去到6.608水平創匯改新高，港元拆息回落，可以想像，對資金回流股市有一份憧憬，而一直大落後的滙控（00005）終發力，滙控在78.55元見底，開始組成大圓底走勢，技術上，今浪最少會見86.45至87.4元，跟住會否輪到中移（00941）發威，不妨拭目以待。

昨日期指開出23,840點後，很快已攻上24,000點水平，上一次升浪高位23,921點，成為好友強而有力的防線。午市期指主動買盤較強，淡友被節節逼退，最後以24,223點，跟全日高位差1點收市，高水近百點，是近期少見。

現貨及期指分別攻破23,880及23,921點，意味着調整可能在周初已靜俏俏完成，中期升浪繼續，以黃金分割線計算出的現貨阻力位，未來幾日分別位於24,231、24,449及24,624點。

去年底港股因為中央關水喉而壓抑，未有跟外圍升勢，年初堅持可揸不可沽，今次真係守得雲開，在23,520點揸入的好倉，看官可自行睇位平倉獲利。

John Mullen

跨媒體地產網新居入伙 幾萬個精選樓盤 歡迎睇樓！

Money18新功能「18好路數」為你預測心水股票升跌機會率

Money18更多即時港股指數資訊