日人均持鈔逾5萬
英國機構金融服務賠償計劃（FSCS）話，依家英國人共有70億英鎊（約840億港元）現金放喺屋企，原因係銀行利息偏低，令佢哋冇存款嘅意欲。調查訪問咗1,000名英國人，每人平均存放280英鎊（約3,300港元）喺屋企，當中1%人更喺屋企存放最少1萬英鎊（逾12萬港元）添。當然，英國人仍主要存錢喺銀行，截至去年十一月，英國人喺銀行嘅存款就超過2萬億英鎊（約24萬億港元）。
日本人仲誇張，據日本央行講，國民家藏嘅日鈔共有82.31萬億日圓（逾7.6萬億港元），人均持鈔相當於5萬幾港元。咁講法，香港銀行嘅存款利息都咁低，唔知又有幾多錢「現兜兜」放喺屋企呢？
余絲韻