渣打推大中華指數
一個地區嘅金融活動有幾活躍，與呢個地區有幾多相關經濟參考指數有直接關連。歷來好多銀行都猛咁推出指數，早前中銀先推出離岸人債指數，今次就輪到渣打與標普合作推出大中華指數，主要覆蓋中、港、台三地市場。滙控就繼續為佢哋嘅新興市場指數，發表去年第四季嘅報告。
兩隻指數覆蓋面唔同，絲絲好難直接評價邊個搞得比較有聲有色，唯一可以肯定嘅係，市場有多啲指數參考，得益嘅始終係大眾。不過兩家銀行發布會嘅開始時間只係相隔半粒鐘，話就話大家係隔咗條巷嘅「鄰居」，但估計到時啲傳媒朋友都會相當頻撲。
余絲韻