明日就踏入二○一一年，新年新開始，要有全新景象，時富金融服務（00510）亦由明日起將沿用咗多年嘅標誌來個全面大變身，迎接新嘅一年。
時富金融解釋話，過去10年公司已經喺金融服務業奠定基礎，為咗突出集團嘅獨特企業文化，以及增強公司喺中港兩地持續增長及發展嘅企業形象，董事會決定喺新一年開始採用全新Logo。
公司所有企業文件，包括公司股票、年報、中期報告及宣傳用品等，統統都會換上新Logo。不過，揸住印有舊Logo股票嘅小股東，唔使擔心股票會失效，因為今次換Logo，股東任何權益都唔會受影響，即係話佢哋啲股票仍然有效，可繼續買賣，公司亦唔會因今次更改Logo作出任何現有股票更換為新股票嘅安排。
余絲韻