「做拉鏈較好賺」
話說開易喺○七年曾經「大拿拿」拎過2,500萬人民幣出嚟，由其中一位少數股東郭振義「揸弗」炒A股，不過郭生明顯係新手，絲絲見就連招股書都話佢「並非專業投資經理，亦非專業投資者……僅依賴證券經紀的市場意見及股票推介建議決定每次交易的時間及金額」，所以雖然○七年賺咗成千萬人仔，但喺○八年就即刻「輸凸」，蝕咗2,237萬人仔，炒股3年帳面共蝕咗462萬人仔。
許老闆尋日就同絲絲解畫，佢雖然冇披露買過邊隻股，但公司喺今年十月已經賣晒啲股票，誓神劈願話公司以後都唔會炒股，仲猛話「做拉鏈比較好賺」。
余絲韻