傳農曆新年後履新
絲絲收到風，話Thomas過埋農曆新年就會正式履新，到時佢由睇中小企轉去睇紅籌、藍籌企業，而且會由睇大量嘅企業變為睇大型企業，絲絲覺得分別未必好大，仲可能隨時見番由佢當年一手湊大嗰啲客添。不過恒生發言人對於Thomas係咪調位就唔肯回應，話要等正式通告喎。
滙恒系近年管理層真係轉個不停，莫講話滙控（00005）高層大執位，恒生自從由梁太出任CEO後亦都人事幾番新，Thomas執掌中小企業務，同事淨係幫啲客開戶口都開唔切，好似今年上半年淨計人民幣貿易結算戶口，恒生就開咗多達4,000個，聽聞下半年勢頭都好勁，中小企新開戶口每月有成2,000個添。
余絲韻