人稱「成哥」嘅恒生博愛堂總廚，加入恒生前喺唔少大餐廳工作過，包括米芝蓮嘅推介餐廳，成哥當年見工時就係憑「杏汁煮星斑」等自創菜式，獲得恒生管理層嘅歡心，連恒生行政總裁梁高美懿都對佢非常讚賞，鼓勵佢繼續發揮創意，煮出新菜式。
遵照自然基金會指引
美食佳餚固然令人讚賞，不過最令絲絲印象深刻嘅係「綠色」概念。原來博愛堂自○三年開始，已經唔再用魚翅做菜，到○七年更完全遵照世界自然基金會嘅海鮮指引，唔用珊瑚魚、髮菜等做食材，令恒生嘅「食堂」可以延續佢哋嘅綠色銀行概念。唔單只咁，成哥亦將過往較濃味嘅菜單改為較清淡、健康嘅食譜，令恒生上下員工可以食得更健康。
余絲韻