七成屋苑聖誕食白果

杏花邨睇樓瀉70%

聖誕長假期間，不少業主或買家離港外遊，影響睇樓量，昨日多個大型屋苑睇樓量均顯著下跌，30個大型屋苑之中，20%屋苑睇樓量按周跌一半或以上，柴灣杏花邨睇樓量更瀉達70%。中原王淑儀表示，紅磡海逸豪園昨日的睇樓量錄得逾50%的跌幅。

利嘉閣敖道駒指，北角城市花園今年樓價累升逾30%，雖然政府打壓樓市，但業主叫價仍企硬，令買家入市意欲減低，預約睇樓量因而下降，加上昨日天氣突然轉冷，今年聖誕的睇樓氣氛不及往年。

中原譚桂貞表示，將軍澳區屋苑今個聖誕的睇樓量按年急挫六成。

御‧豪門暫未加價

一手成交方面，昨日市場僅錄零星成交。華懋集團售樓部經理吳崇武表示，睇好明年樓市，旗下九龍城御‧豪門暫未有加價計劃，希望於交樓前消化多些貨尾，而車位將實行配給制，特色戶買家可優先認購，車位價格介乎90萬至100萬元，現僅售約6至7個。該盤加推的六伙將於明日開售，平均呎價約1.25萬元。

另外，太古地產旗下西半山蔚然昨再售1伙，美聯吳必強稱，該盤中低層C室，面積1,679方呎，以3,122.5萬元成交，呎價18,597元。另中原梁宇恒稱，華懋馬鞍山迎濤灣昨沽2座低層C室，面積1,060方呎，成交價480.9萬元。

南豐羅便臣道80號昨再沽2伙，美聯朱浩威稱，當中2座高層B室以2,580萬元沽出，呎價18,285元。