絲絲講場：滙豐開P與工商客同歡
今晚係平安夜，絲絲都要跑幾場Party，不過好多企業都會提早搞聖誕聯歡，特別係客戶多嘅公司。絲絲早幾日參加咗滙豐為工商客戶而設嘅晚會，最特別係當晚設有水晶球及塔羅牌為賓客占卜來年運程，絲絲與一班平時好嚴肅嘅工商客爭住問吓前程，希望新嘅一年事事如意。
呢個晚會係由滙豐工商業務部主力搞嘅，據講有近400位工商客戶嚟到滙豐總行，共度閃耀繽紛嘅聖誕夜。
如置身雪地有心思
既然係工商業務部搞嘅，又點少得滙豐工商業務主管陳樑才主持祝酒儀式，滙豐工商業務環球聯席主管郭懷德、香港區總裁馬凱博、工商業務部常務總監兼商務理財主管陳王潔明都有出席酒會。聖誕夜以閃爍璀璨嘅裝飾作為主題，喺皚皚白雪紛飛下令到與會者恍如置身雪地中，絲絲最鍾意當晚嘅歌舞表演，睇到拍爛手掌。
余絲韻