呢排市場猛咁傳facebook（fb）掌門人朱克伯格（Mark Zuckerberg）將會去內地，其實原來佢已經靜雞雞咁到咗，事關中國最大搜尋器百度嘅員工尋日影到朱克伯格喺佢哋公司出現嘅相片，原來今次朱克伯格係專程去拜會百度創始人李彥宏，兩人仲喺百度員工餐廳一齊食咗餐晏仔，未來兩間公司會唔會有合作，就要拭目以待啦。
其實朱克伯格去中國都傳咗一排，當時仲話佢此行主要係與早幾日中國版facebook開通測試有關喎，八卦友話，朱克伯格嘅女友都係美國出世嘅ABC，佢女友依家喺內地仲有唔少親友，朱克伯格亦都好努力咁學緊普通話，唔知會唔會令到佢同中國嘅關係更親密，而佢今次又會唔會去探吓女友嘅親人，見吓家長呢？
知情人士話，facebook喺3年前就與中國結緣，喺○七年註冊咗.cn域名，○八年又推出簡體中文版本，跟住市場就猛咁傳佢哋會進駐大陸，依家總算邁出咗一大步。
余絲韻