期指觀瀾：靜待機會破位追勢
大市扭轉前日弱勢，出現反彈，扭轉三支大陰燭劣勢，主要是受滬綜指午後轉強帶動，恒指升190點報23,428點，但成交縮到726億元，完全唔配合大市升幅。尋日除本地零售類股份外，港股連炒賣焦點都無，節日氣氛濃厚。
昨日升市，美中不足是指數最高只能去到23,475點，未能好好把握機會，重上20日及50日線的23,492點及23,465點樓上，走勢仲未脫離「危險期」，暫時未可確認市況經已好轉，有機會在假期前繼續玩上落，磨滅好淡雙方意志。唯一安慰係即月期指午後去到23,502點雖然行人止步，但是距離23,570至23,620點的重要阻力區行近一大步。
除上述兩個即市阻力外，大市一日唔升穿頭肩頂的右肩阻力23,867點，仲有可能完成右肩後再出現急跌，所以想做好倉，較妥當的做法，還是等升穿大位之後才追買未遲。始終臨近年尾，買賣兩閒，承接力不足，向上向下機會均等。假期前，筆者會維持破位才追嘅策略。以現貨計，上阻力23,867點，下支持23,000點，目前仲係少做少錯為宜。
John Mullen