電管局：自願參與
參加計劃嘅網絡商包括香港寬頻、有線、和記環球電訊、新世界電訊及九倉電訊共5家，冇錯，係5家，全港首個鋪設光纖嘅營運商電訊盈科（00008）並冇參與，搞到呢個計劃好似唔係咁全面。電管局冇解釋點解電盈冇參與，只強調計劃屬自願參與性質，而電盈嘅發言人就話，集團擁有全港最大嘅光纖網絡，所鋪設嘅光纖長度足以圍繞地球33個圈有餘，而且數量仲與日俱增喎。一家網絡商嘅光纖長度已可以圍繞地球超過33個圈，怪唔得電管局引述牛津大學最近一項研究顯示，喺72個國家及239個城市中，香港喺全球寬頻領導排名中僅次於南韓排第2位喇。
余絲韻