上周五友邦（01299）掛牌成市場焦點，表現令人喜出望外，照計仲追得過！
本周市場觀望美國多個重要消息，市況可能會較為波動，看官宜緊握扶手。個股方面，上周二推介快意節能（08032），好在當日即告停牌，翌日宣布配股後股價插水，但眼見咁多大孖沙真金白銀插旗，照計冇咁快炒完，低位仍具留意價值。
異動股方面，獲西京投資睇好嘅高陽科技（00818），上周五股價逆市升4.18%，收報3.24元，成交1,555萬元，是否再度獲得基金增持，不得而知，但高陽旗下從事電子支付終端機解決方案業務嘅百富已向港交所（00388）遞交上市申請，話唔定可於年底趕搭尾班車，好消息有望。
高陽在十月上旬升抵3.7元後反覆回落，50日線3元關現支持，上周五股價上升，似醞釀旗形突破，若睇中升浪，呢轉目標可見250日線3.92元，穿2.95元止蝕。
古晨