71%人估有得加
呢個調查喺上月進行，訪問咗5,671名喺全球各大城市工作嘅銀行家及金融專才。喺673名香港受訪者中，只有13%人預料今年花紅會少咗，而預期花紅會增加嘅就有71%人。內地嘅受訪者仲樂觀，有75%人覺得會加花紅，當中24%更相信會加五成以上。今年金融從業員幾乎個個都想加人工，如果老闆「唔識做」，話唔定過完年就會有跳槽潮出現。
另調查亦發現，上海與香港之間人工嘅差距正在收窄，雖然上海低層員工收入仍然只係香港嘅三分之一，但管理層人工就差唔多已與香港睇齊，上海要打造成金融中心，自然要喺香港「搶奪」人才，有意另謀高就嘅不妨考慮上神州創一番事業。
余絲韻