香港人個個都好重視經濟及股市，但原來大家係緊張個環境多啲，滙豐氣候信心指數調查顯示，原來氣候變化比起經濟穩定更受港人重視，有25%香港受訪者關注氣候變化問題，比率高於關注經濟穩定嘅22%，港人對紓緩氣候變化仲好有承擔，得分係咁多個已發展經濟體中最高。
港人點樣有承擔呢？最多人就選擇少啲用冷氣及暖氣、家居廢物回收以及整好啲間屋嚟節約能源，不過港人最叻都係使錢，43%受訪者話肯畀貴啲嘅價錢購買有能源效益嘅產品，高於全球平均數嘅40%。
滙豐香港區總裁馬凱博話，佢哋已經好集中搞環保項目，最緊要都係教育，要話畀大家知可以點樣環保，佢哋都做唔少環保生意，過去一年嘅綠色貸款增長仲好勁添。
不過睇番調查，原來內地人對於承擔紓緩氣候變化，得分竟然仲高過香港一大截。
余絲韻