中國嘅經濟生產總值雖然已經排第二，但有啲地方仲係好窮，教育嘅資源唔多。唔講唔知，原來平保（02318）非常重視小朋友冇書讀嘅問題，咁多年嚟除咗捐唔少錢興建平安希望小學外，每年仲會去唔同地方做支教活動，佢哋嘅首席保險執行官任匯川更不時親身去做義工添。
每年入冬嘅呢個時候，平保員工都會走訪偏遠山區教小學生讀書寫字，今年佢哋就安排咗五十幾批員工，由九月開始走遍貴州、河北、甘肅及內蒙古等地方做義工，最後一批就會喺下月出發去黑龍江。
平保建小學已經建咗十幾年，佢哋唔單只出錢，而且仲會出力，經常到訪學校教小朋友讀書，送嘢畀佢哋，又或者搞活動畀學生玩。
好似任匯川咁，佢雖然日理萬機，但仍經常身體力行去做志願工作，不過依家開始入冬，天氣開始凍，佢去到黑龍江就要着多件衫喇！
余絲韻