絲絲講場：滙豐私銀籌款有王牌
滙豐私人銀行除咗服侍有錢人，亦好關顧社會上其他人士嘅需要，佢哋每年都會為一間慈善機構籌募善款，今年受惠嘅機構就係香港藝術中心。
王以智帶隊夠號召力
喺滙豐私人銀行亞洲區行政總裁王以智（Monica）就帶領下，佢哋日前喺演藝學院歌劇院舉行慈善晚宴，王小姐咁有號召力，佢搞嘅活動相信有好多名流紳士、官商貴人出席，據講當晚出席嘅嘉賓超過350人，結果為香港藝術中心籌得約1,300萬元經費，以助該中心日後發展。
Monica每次出場都係搶鏡人物，引來唔少目光，即使喺報章、雜誌上嘅照片，都吸引人望多兩眼，尤其係女性。無他嘅，因為喺佢身上好似睇不到任何歲月嘅痕跡，真係連一眾專賣謢膚品廣告嘅女星都要行埋一邊，絲絲相信好多港女都好想知佢點樣駐顏，不過睇嚟都好難知道呢個秘密。
余絲韻