Million大追尋：投資致勝要識書

股評人季霆剛薦
理財策劃自己郁手

書名：《做個有錢人──基金儲蓄致富全書》

作者：杜比

出版社：博顥出版有限公司

近期股市欠缺方向，令不少投資者心慌慌不敢入市。但你可知道，定額基金儲蓄計劃或許是令你贏大錢的更佳方法。季霆剛（Timothy）就推介杜比的《做個有錢人》，讓大家認識基金投資，自我制訂理財計劃。

Timothy指：「呢本書好似本教科書咁，第一章就開宗明義解釋你聽，點解要做基金儲蓄！該書恍如理財策劃師， 由20歲以至退休年紀，按你嘅需要設計一個長線嘅投資計劃！」

「呢本書釐清咗好多人對基金嘅誤點，例如唔同基金嘅收費，令你唔會墮入陷阱！睇完之後，你會搵到一套最啱心水嘅理財計劃，自己做番自己嘅理財策劃師，唔使再假手於人，免咗好多工夫！」

股神秘笈逐招拆解

書名：《巴菲特核心投資法》

作者：羅伯特．海格斯壯

出版社：商周文化事業股份有限公司

Timothy說：「呢本書06年出版㗎啦，但我成日都會拎出嚟再睇！裏面所講嘅投資理論，都喺以巴菲特的思維模式出發，總結得出，所以係歷久常新嘅！」

書中以投資理論居多，有人認為是老生常談，不屑一看。但Timothy卻投以信心一票，指：「炒股愈少，獲利愈多」、「投資組合不應超過10個」及「平靜面對股價波動」等雖是老生常談，但亦是投資基本功。股神立足股壇數十載，他提出的理論沒有時間限制。

他笑言，「睇完之後，我知道投資最重要嘅係理性！千祈唔好畀新聞或外面嘅傳聞影響到，變成負擔！」

策略師李韻儀推介
學曉投資懂得止蝕

書名：《巴菲特給青年的九個忠告 》

作者：郭硯靈

出版社：海鴿文化出版圖書有限公司

想賺大錢，應該投資定投機呢？李韻儀（Sonija）為大家帶來《巴菲特給青年的九個忠告 》。她說：「現時市場上投機者多，但正如巴菲特成日都講，投資唔應該短視，應該長線啲！呢本書從幾個角度出發，點出投資應有嘅態度同心理質素。」

「書中頭幾個忠告，都係叫你應該投資唔好投機！睇番巴菲特，佢大部分嘅股票都係揸好耐！但普通人好難同佢一樣，乜股都長揸！但睇完之後，我都有將自己財務組合嘅長線股份比例增加。依家買嘅長線股，都就咁擺喺到，唔會刻意睇！」

另不少年輕人理財意識薄弱，最終招致入不敷支，儲錢不成反成負債。Sonija指出《巴》一書多次強調存有現金的重要性！

除了學識投資勿投機外，《巴》書還令她明白，忍痛「斬纜」亦是投資致勝之道。她解釋：「股價不斷下跌時，要立心止蝕走貨！ 」

80後想致富先儲蓄

書名：《20UP - 20多歲決定一生財富 》

作者：中村芳子

出版社：易富文化

年輕80後有人抱怨樓價太高未能置業，亦有人雄心壯志，認為愈早上車愈好。「廿幾歲就想買樓、結婚？其實係好大嘅負擔！呢本書就清楚話你知，致富係從儲蓄開始！廿零歲，啱啱先出嚟做嘢，就個個月都撥一定嘅收入去供樓，咁樣太吃力啦！」

年輕人當中亦有部分非常勤力，每日埋頭苦幹只為賺多個錢。到底想做個有錢人，是否「齋做」便行？「唔好一窩蜂去賺錢！應該有個目標，賺到一筆錢之後，就去吓旅行當獎勵自己，咁樣先有賺錢儲錢嘅動力！」

「總之，儲蓄是致富第一步！」Sonija語重心長地說：「無論你賺幾多錢都好，一定要儲蓄！」

其他熱門財經書
黑心建商的告白：買屋前不看會哭的17堂課

作者：Sway

出版社 ：推守文化創意股份有限公司

要避免買到「發水樓」、「偽豪宅」，各位可以先看完這本書，再來談買房。

鈔票的重量

作者：黃國華

出版社：商周

曾任外匯交易員、證券公司及商業銀行主管的黃國華，把其近20年的投資經驗輯錄成書，引領投資大眾解開看盤、選股和買賣的迷思。

散戶勝經2：郭大俠教你用閒錢賺大錢

作者：郭際勝

出版社：如何

散戶經常抱怨市場被大戶操控，但其實只要投資方法正確，散戶原來也可打贏大鱷。