絲絲講場：最高觀景台天際100開騷
香港高廈林立，不過可以畀升斗市民一睹全港景色嘅地方就唔多，新地（00016）斥資一億元打造嘅九龍環球貿易廣場觀景台「天際100」項目，下周一會舉行「頭炮」記者會，喺介紹呢個全港最高建築物嘅觀景台特色之餘，亦會為「天際100」12位親善大使大搞畢業騷，「天際100」總經理徐綺漣亦會係當日嘅嘉賓之一。
親善大使行Catwalk
由觀景台命名、篩選親善大使以至制服設計，新地都經過千挑萬選，務求將最好嘅一面呈現「天際100」之內，可見老闆郭炳聯幾咁重視呢個項目。
前線員工嘅培訓當然唔能夠馬虎，新地不但從千人中挑選十幾名精英，更加入一系列培訓，所以親善大使對本港旅遊及工作知識都有番咁上下。
當日所有親善大使仲會連同藝人行貓步（Catwalk），親自演繹得獎制服，再從中選出「活力親善大使」。
余絲韻