工銀國際喺去年五月才開業，係工行（01398）喺海外嘅投行旗艦，雖然公司成立只有一年多啲，但有工行嘅招牌撐住，業務愈做愈多。好似今次做到聯席帳簿管理人，都係內地投行第一次衝出中港以外嘅市場，喺咁大型嘅項目擔當重任。
投行界嶄露頭角
工銀國際開始喺高手如林嘅投行中嶄露頭角，但要與國際知名投行角力真係一啲都唔易。工銀國際副首席執行官李鷹話，「公司雀屏中選係一種認可，依家亞洲區投資者喺全球資本市場嘅地位愈嚟愈重要，發行人都好睇重佢哋對高端機構投資者嘅引領作用。」
今次集資額咁大，絲絲有好多投行老友話見到都口水流，如果完成集資，就算係1%佣金都有成幾十億港元。
余絲韻