絲絲講場：金融籃球戰「狂牛」奪冠
熱愛運動嘅絲絲向來鍾意睇籃球比賽，喺上周六下晝就去咗睇「第5屆金融界精英籃球總決賽」。為咗贏得金牌，絲絲見到各隊領隊紛紛派出高手應戰，經歷三個幾鐘頭嘅「刀光劍影」，終於由「狂牛隊」（由不同金融圈業界組成）以53分比42分力壓恒生銀行首次奪冠，之前「兩連冠」嘅恒生銀行今屆只能屈居亞軍，季軍就由滙豐銀行奪得。
藺常念拉大隊慶功
唔係講笑，當日絲絲坐喺籃板底下睇波，每分每秒都強烈感受到「球來球往」嘅震撼力，各隊球員為咗爭取入波，真係打得好鬼狼死㗎，好彩絲絲睇波時冇中波餅。
富昌證券總經理兼「狂牛隊」領隊藺常念首次贏得冠軍，超級開心之餘，喺比賽後仲拉大隊去灣仔某酒樓食慶功宴；另外，恒豐證券研究部董事林家亨亦喺比賽當日充當大會攝影師，拎住部相機周圍咁影，成個專業攝影記者咁款。
余絲韻