謝湧海畢業於上海復旦大學，喺國際金融市場從業30年，曾經喺中國銀行（03988）總行投資管理部及全球市場部等做過，亦係○七年發起「港股直通車」嘅其中一員。依家除咗係中銀國際副執行總裁，佢仲係中銀國際保誠資產管理董事長及中銀國際（私人銀行業務）董事長。
領港中資證協壯大
能者自然多勞，去年底19間港中資證券公司成立咗香港中資證券業協會，謝湧海就做埋會長，只有短短半年多嘅時間，個會依家已有23間中資證券公司成員，當中仲包括母公司係內地六大商業銀行嘅券商。最近協會又多咗3個猛料嘅新成員加入，分別係中國新永安期貨、中國國際期貨（香港）及嘉實國際資產管理，相信謝湧海嘅曝光率仍然可繼續上升。
余絲韻