自從法巴前股票及衍生產品部執行董事翁世權（Simon）辭職後，大家都想知佢嘅最新動向，早前一直市傳今年渣打銀行（02888）會開拓窩輪市場，並請來Simon做「開荒牛」，呢個消息傳咗咁耐，今日終於水落石出！
Simon最新職銜係渣打銀行股票衍生及中介銷售部窩輪銷售董事，聽講已返咗工幾個禮拜，不過最近就出國公幹，下周先返港。有指渣打今次「出輪」做足籌備工夫，Simon嘅上司——股票衍生及中介銷售部董事總經理何聞達（Edward）亦有份指揮，Edward作風一向較低調，據說佢喺渣打已一段時間，曾任職於貝爾斯登。
除咗渣打將積極推輪外，本身只做窩輪銷售嘅摩根大通最近亦發行牛熊證，力圖爭取更高市佔率。
余絲韻