港交所（00388）旗下小組或委員會有好多，為公平起見，大部分都規定喺指定時限內再遴選過，主板及創業板上市委員會尋日就公布有6位成員替換。
主板及創業板嘅《上市規則》訂明，所有上市委員會成員均須每年退任。上市提名委員會每年均提名個別人士出任（及連任）上市委員會成員，由聯交所董事會根據上市提名委員會嘅建議作出委任。據佢哋講，提名委員會共接獲34份申請，最終揀咗6人加入成為新成員，包括簡海雯、Nigel Davis、梁享英、李繼昌、劉廷安及馮保羅，以取代艾哲明、鵬誠峰、梁志輝、劉殖強、黃金源及施遠志。
另方面，滙豐銀行香港區總裁馬凱博接替王冬勝出任港交所風險管理委員會成員．任期至二○一二年一月。
除咗上述「捱義氣」嘅崗位之外，港交所近排有好多受薪高層離職，最新嘅Case係顧問服務部執行總監郭利沛，佢離職係因為決定返美國。
余絲韻