絲絲講場：英皇請客睇優先場
絲絲尋晚喺戲院撞見英皇金融集團董事總經理楊力成，原來佢哋請咗二百幾位客戶睇戲，實行喺假期前鬆一鬆。
旗下3公司一齊搞
聽楊生講，今次係英皇集團旗下3間公司第一次搞呢類活動，除咗集團公司之外，仲有英皇鐘錶珠寶（00887）、英皇證券（00717），當然亦唔少得英皇電影，所以英皇鐘錶珠寶董事總經理楊諾思以及英皇證券董事總經理楊玳詩亦有係活動中出現。
點解會有齊齊睇戲呢個構思？據佢哋講，原來英皇金融以及英皇鐘錶嘅客路有部分係重疊嘅，即係幫襯英皇金融做投資嘅，好多時都會去英皇鐘錶買吓鑽石、名錶。
佢哋之前曾經試過喺英皇珠寶嘅旗艦店搞投資講座，所以今次度咗呢個睇優先場嘅活動構思。
余絲韻